जाजरकोट । राष्ट्रिय अनुसन्धानको प्रहरी हुँ भन्दै कुटपिट गर्ने तीन जना जाजरकोटमा पक्राउ परेका छन् । रुकुम पश्चिम चौरजहारी नगरपालिका–८ का रमेश केसीलाई कुटपिट गरेको आरोपमा भेरी नगरपालिका–३ का वीरेन्द्र विक, प्रकाश वली र विवश सुनारलाई प्रहरीले पक्राउ गरेको हो ।

सोमबार राति अन्दाजी ९ बजेको समयमा भेरी नगरपालिका–३ स्याँलास्थित कालेगाउँदेखि रिसाङ जाने कच्ची सडक बाटोबाट उनीहरुलाई पक्राउ गरिएको जिल्ला प्रहरी कार्यालय जाजरकोटले जनाएको छ ।

रुकुम पश्चिमको चौरजहारी नगरपालिका–८ का रमेश केसीलाई मोटरसाइकल रोकी हामी राष्ट्रिय अनुसन्धानको सिभिल प्रहरी हो तेरो मोटरसाइकलको कागजजात देखा भनी विभिन्न किसिमका गाली–गलौज गरेर पीडित केसीको शरीर खानतलासी र कुटपिट गरी मोटरसाइकलमा समेत क्षेति पु¥याएको भन्ने सूचना प्राप्त भएपछि जिल्ला प्रहरी कार्यालय जाजरकोटले प्रहरी टोली खटाएको प्रहरीको सूचना शाखाले जानकारी दिएको छ ।

कुटपिट गर्ने व्यक्तिलाई अस्थायी प्रहरी पोस्ट स्याँलाबाट खटिएको प्रहरी टोलीले खोजतलास गर्दै जाने क्रममा १० गते मंगलबार बिहान घरबाटै प्रकाउ गरेको हो । उनीहरुमाथि अभद्र व्यवहारसम्बन्धी मुद्दामा सात दिनको म्याद थप गरी अनुसन्धान कार्य भइरहेको प्रहरीले जनाएको छ ।