कञ्चनपुर । कञ्चनपुरको भीमदत्त नगरपालिकाको मेयर र उपमेयर दुबै पदमा नेपाली कांग्रेस विजयी भएको छ ।

मेयरमा पदम बोगटी र उपमेयरमा निलम जोशी निर्वाचित भएका हुन् ।

बोगटीले १५ हजार ८ सय ८२ मत प्राप्त गरे भने उनका निकटतम प्रतिद्वन्द्वी एमालेका महेश पन्तले ८ हजार १ सय ४९ मत प्राप्त गरे । राप्रपाका गजेन्द्रबहादुर चन्दले ७ हजार १ सय ५ मत पाए ।

उपमेयरमा निर्वाचित जोशीले १२ हजार २ सय १६ मत पाइन् भने उनका निकटतम प्रतिद्वन्द्वी माओवादी केन्द्रका कृष्णदत्त जोशीले १० हजार ५ सय ९६ मत पाए । एमालेकी भुवन कुँवरले ७ हजार ९ सय ९० मत ल्याइन् ।