काठमाडौं । काठमाडौं महानगरपालिकाको वडा नम्बर २७ मा नेपाली कांग्रेस विजयी भएको छ ।

निर्वाचन आयोगका अनुसार २७ नम्बर वडामा कांग्रेस उम्मेदवार योगेश कुमार खड्गीले वडाध्यक्ष पदमा विजय हासिल गरेका हुन् ।

खड्गीले १५४१ मत ल्याएका छन् । उनले एमालेका चिनिया मान बज्राचार्यलाई पराजित गरेका हुन् ।

बज्राचार्यले १३०३ मत ल्याए । काठमाडौंमा अहिलेसम्म नतिजा आएकामध्ये ६ वटा वडा कांग्रेस र ६ वटै वडा एमालेले जितेको छ।