सप्तरी । सप्तरीको हनुमाननगर कंकालिनी नगरपालिकाबाट सशस्त्र प्रहरीले पेस्तोल सहित एकजनालाई पक्राउ गरेको छ । पक्राउ पर्नेमा २४ वर्षीय रन्जित मण्डल छन् ।

हनुमाननगर कंकालिनी नगरपालिका–१ बस्दै आएका मण्डलको साथबाट ब्राउनिङ्ग पेस्तोल १ थान र ६ राउन्ड गोलि बरामद गरिएको सशस्त्र प्रहरी प्रधान कार्यालयले जनाएको छ ।

बिहीबार नम्बर–६ गण, सप्तरी र भारदहमा रहेको सुरक्षा बेशबाट खटिएको टोलीले उनलाई कोशी ब्यारेजबाट पक्राउ गरेको हो । मण्डललाई आवश्यक कारबाहीका लागि जिल्ला प्रहरी कार्यालय सप्तरीमा बुझाइएको छ ।