काठमाडौं। सोमबार बुद्धजयन्तीका अवसरमा भारतीय प्रधानमन्त्री नरेन्द्र मोदी गौतम बुद्धको जन्मस्थल लुम्बिनी आएर फर्किसकेका छन्। उनी भारतको कुशीनगरबाट हेलिकप्टर चढेर लुम्बिनीमा विशेष निर्माण गरिएको हेलिप्याडमा अवतरण गरेका थिए ।

औपचारिक भ्रमणका क्रममा मोदीले पवित्र मायादेवी मन्दिरमा पूजाअर्चना गर्नुका साथै बौद्ध संस्कृति र सम्पदाको केन्द्रको शिलान्यास समारोहमा भाग लिएका थिए ।

मोदी लुम्बिनी आएको केही घण्टाअघि नेपालका प्रधानमन्त्री शेरबहादुर देउवाले २० किलोमिटर टाढा भैरहवामा रहेको नेपालको दोस्रो अन्तर्राष्ट्रिय विमानस्थलको नाम गौतमबुद्ध अन्तर्राष्ट्रिय विमानस्थलको उद्घाटन गरेका थिए ।

यस कार्यक्रममा प्रधानमन्त्री मोदी उपस्थित नहुनु र यो विमानस्थलमा अवतरण नहुनुले धेरैको ध्यानाकर्षण हुनु स्वभाविक थियो ।

करिब सात करोडको लागतमा भैरवको नयाँ अन्तर्राष्ट्रिय विमानस्थल निर्माण गर्न करिब सात वर्ष लागेको छ । यो विमानस्थल नेपाल–भारत सीमाबाट मात्र ५ किलोमिटर टाढा छ । यस विमानस्थललाई लुम्बिनीको अन्तर्राष्ट्रिय प्रवेशद्वारको रूपमा परिकल्पना गरिएको छ।

यस नयाँ विमानस्थलबाट अन्तर्राष्ट्रिय उडान सञ्चालनका लागि नेपाल सरकारले ४२ देशसँग सम्झौता पनि गरेको छ । पक्कै पनि यो नयाँ विमानस्थलको उद्घाटन नेपालका लागि महत्वपूर्ण घटना हो ।

तर यो विमानस्थल उद्घाटनको दिन भारतका प्रधानमन्त्री नरेन्द्र मोदी नेपाल आउने र अवतरण नगर्ने भन्नेमा विभिन्न अर्थ निकालिएको छ । यो विमानस्थल चिनियाँ कम्पनीले बनाएको हुनाले भारतका प्रधानमन्त्रीले यहाँ अवतरण नगरेर नेपाललाई कूटनीतिक सन्देश दिन खोजेको हुनसक्ने बताइएको छ ।

भैरवको नयाँ विमानस्थलमा जताततै चीनको छाप देख्न सकिन्छ । १५ मेमा बीबीसीले यो नयाँ विमानस्थलको स्टक लिँदा विमानस्थलको मर्मत सम्भार गर्ने केही सवारी साधनमा चिनियाँ र अङ्ग्रेजी भाषामा यो विमानस्थल निर्माण गर्ने चिनियाँ कम्पनीको नाम लेखिएको फेला परेको नागरिक उड्डयन अधिकारीले बताए ।

नेपाल प्राधिकरणले करिब ५ दशकअघि भारतको सहयोगमा भैरहवाको आन्तरिक विमानस्थल निर्माण गरेको हो ।

यो विमानस्थलमा अन्तर्राष्ट्रिय टर्मिनल निर्माण गर्दा भारतले निर्माणको काम चिनियाँ कम्पनीलाई सुम्पिनु सुखद नहोला भन्ने पनि अनुमान गरिएको छ ।

विगत केही दिनदेखि नेपाल र भारतका सञ्चारमाध्यममा मोदी भैरहवा विमानस्थलमा अवतरण नगर्नुको कारण यो आयोजनामा ​​चीनको संलग्नता रहेको अनुमान गरिएको थियो ।- बिबिसी हिन्दीको सहयोगमा