काठमाडौं । भारतका प्रधानमन्त्री नरेन्द्र मोदी छोटो समयका लागि  नेपाल भ्रमणमा छन् ।

सोमबार बुद्ध पूर्णिमाको अवसरमा  मोदी नेपालको लुम्बिनी भ्रमणमा आएका हुन । लुम्बिनीमा इन्डिया इन्टरनेशनल सेन्टर फर बुद्धिष्ट कल्चरको शिलान्यास गरिरहँदा मोदी हात जोडेर ध्यानमा बसे ।

आँखा चिम्लिएर मोदी ध्यानमा बस्दा नेपालका प्रधानमन्त्री शेरबहादुर देउवा भने फरक तरिकाले प्रस्तुत भए ।

देउवा बौद्ध भिक्षुहरुले मन्त्र पढिरहँदा हात बाँधेर मात्र बसे । उनी न त आँखा चिम्लन पुगे न त ध्यानमा बसे । जुन तस्बिरलाई लिएर सामाजिक सन्जालमा मजाक बनाइएको छ ।

देउवा पत्नी आरजु देउवा भने उठेर हात जोडेर ध्यानमा देखिइन् । देउवा बेला बेलामा टोपी मिलाउने पनि गरिहेको देखिन्थे ।

चर्चित हाँस्य कलाकार मनोज गजुरेल लेख्छन, ‘शिष्टाचार सल्लाहकार को हुनुहुन्छ कुन्नी ?

सबैले हात जोडे ठाउँमा हात जोड्नुपर्छ । पुजा र प्रार्थना गर्दा शान्त बस्नुपर्छ । सरकार प्रमुखका सानासाना गतिविधिहरुले अर्थ राख्छ । आचार, बिचार र शिष्टाचार देशको ईज्जतसँग जोडिएको हुन्छ । यति सानो कुरा पनि सल्लाहकारले भन्नुपर्ने हो कि आफैं जान्नुपर्ने हो ?’