काठमाडौं । ललितपुर महानगरपालिका, गोदावरी नगरपालिका र बागमती गाउँपालिका प्रमुखको उम्मेदवारी नेपाली कांग्रेसलाई दिने सहमति जुटेको छ ।

पाँच दलीय गठबन्धनमा ती तीनै तहकाे प्रमुखको उम्मेदवारी कांग्रेसलाई दिने सहमति जुटेको हाे ।

कांग्रेसका ललितपुर सभापति जितेन्द्र श्रेष्ठले महालक्ष्मी र माहाँकालको प्रमुखमा कांग्रेस, माओवादी र समाजवादी तीनवटै दलको दावी रहेको बताए । 

निरन्तरको बैठकपछि ललितपुरको ५ दलीय गठबन्धनमा अन्य ठाउँको उम्मेदवारीमा सहमति नजुटेपछि प्रदेशलाई जिम्मा लगाउने भएको हो ।

नेकपा एकीकृत समाजवादीका ललितपुर सहसंयोजक अमृतनाथ तिमल्सिनाले शनिबार साँझको बैठकले सहमतिको जिम्मा प्रदेशलाई लगाउने निर्णय गरेको बताए ।