एजेन्सी । जर्मनीले रुससँगको भुक्तानीसम्बन्धी असहमतिका कारण सम्भावित ग्यास आपूर्ति अवरोधबारे ‘पूर्व चेतावनी’ को घोषणा गरेको छ ।

रुसले ३१ मार्चदेखि मैत्रीपूर्ण नरहेका मुलुकहरूलाई ग्यास खरिद बिक्री रुसी मुद्रा रुवलमा मात्र गर्नुपर्ने माग गरिसकेको छ ।

तर अहिलेसम्म प्रायः युरोमै ग्यास खरिदबापत भुक्तानी गर्दै आएको युरोपेली संघ (ईयू) ले रुसको माग अस्वीकार गरेको छ ।

त्यसपछि मस्कोले आफ्नो अडानलाई लचिलो पार्दै बुधबार रुवलमा भुक्तानी हुने प्रक्रिया विस्तारै लागु गरिने जनाएको थियो ।

तर अहिले जर्मनीले ग्यासको सम्भावित अभावलाई मध्यनजर राख्दै आफ्ना कम्पनी र उपभोक्ताहरूलाई उपभोग घटाउन आग्रह गरिसकेको छ ।