सिन्धुली। जिल्ला प्रहरी कार्यालय सिन्धुलीले भरुवा बन्दुकसहित दुई जनालाई पक्राउ गरेको छ।

पक्राउ पर्नेमा कमलामाई नगरपालिका–१२ लुडेडाँडाका ४५ वर्षीय पूर्णबहादुर राना र ५० वर्षीय लालबहादुर ब्लोन रहेका छन् ।

उनीहरुलाई बुधबार राति पक्राउ गरिएको प्रहरीको भनाइ छ।

प्रहरीका अनुसार पूर्णबहादुरको घरबाट एक थान खाली भरुवा बन्दुक र लालबहादुरको घरबाट एक थान लोड गरेको भरुवा बरामद गरिएको हो।

उनीहरुमाथि आवश्यक अनुसन्धान भइरहेको प्रहरीले जनाएको छ।