Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौँ । छिमेकी मुलुक भारतले दुई वर्षपछि नियमित अन्तर्राष्ट्रिय उडान खुला गरेको छ । यसअघि कोरोना भाइरस संक्रमणका कारण सन् २०२० मार्च २३ देखि नियमित व्यवसायिक अन्तर्राष्ट्रिय उडानमा रोक लगाइएको थियो ।
‘एयर बबल’ सम्झौता अन्तर्गत निश्चित देशहरुबाट समिति संख्याका उडानहरुको अनुमति मात्रै दिइएको थियो । आगामी २७ मार्चबाट लागू हुनेगरी भारतबाट विदेश जान र आउनका लागि पूर्ववतः उडानको अनुमति दिने निर्णय भारत सरकारले गरेको हो ।
एयर बबल अन्तर्गत भारतको विभिन्न ३५ वटा देशसँग तोकिएको निश्चित संख्यामा उडान हुँदै आएको छ । भारतले कोराना पहिलेकै अवस्थाको उडानलाई नियमति गर्ने भएपछि काठमाडौंका लागि उडानहरु बढ्ने छ ।
यसअघि कोरोनाकालमा नेपाल एयरलाइन्स र एयर इन्डियाले मात्रै उडानको अनुमति पाएको थियो । तर कोरोनाका संक्रमण कम भएसँगै गत फेब्रुअरी १६ बाट भिस्तारा र इन्डिगोले पनि एयर बबल सम्झौता अन्तर्गतै काठमाडौं उडान थालेका छन् ।
© 2026 All right reserved to onlinenepal.com
Design & Developed By
