एजेन्सी । युक्रेनी सेनाले आत्मसमर्पण गरे वार्ता गर्न मस्को तयार रहेको रुसी विदेशमन्त्री सर्गेई लाभरोभले बताएका छन् ।

युक्रेनको राजधानीमा किएभमा रुसी सेनाहरू अघि बढ्दै गर्दा विदेशमन्त्री लाभारोसको यस्तो बताएका हुन् ।

लाभरोभले आज शुक्रवार मस्कोमा आयोजित पत्रकार सम्मेलनमा युक्रेनको सशस्त्र सेनाले हाम्रो आह्वानलाई सुनेर हतियार बिसाउनेबित्तिकै हामी जुनसुकै बेला वार्ताका लागि तयार रहेको बताए ।

यसैबीच उनले युक्रेनमाथिको सैनिक कारबाहीको उद्देश्य त्यहाँका नागरिकलाई दमनबाट मुक्त गराउनु रहेको बताएका छन् ।