एजेन्सी । बेलायतबाट हुने सबै उडानहरुलाई आफ्नो आकाशमा प्रतिबन्ध लगाउने रुसले घोषणा गरेको छ ।

रुसले युक्रेनमाथि आक्रमण गरेको जवाफमा बेलायतले रुसी ध्वजाबाहक ‘एरोफ्लोट’लाई बेलायती आकाशमा प्रतिबन्ध लगाएपछि रुसले यस्तो घोषणा गरेको हो ।

बेलायतसँग सम्बन्धित संस्थामा दर्ता गरिएका, स्वामित्व लिइएका, भाडामा लिइएका वा सञ्चालन गरिएका विमानहरुलाई रुसी हवाई क्षेत्रको प्रयोगमा प्रतिबन्ध लगाइएको रुसी उड्डयन प्राधिकरणले जानकारी दिएको छ ।

यस्तै रुसको रक्षा मन्त्रालयले आफ्नो फौजले किएभनजिकै अवस्थित एउटा प्रमुख हवाई मैदान नियन्त्रणमा लिएको दावी गरेको छ ।