काठमाडौं । नेकपा एमालेका नेता भीम रावलले सत्ता र कुर्सीका लागि एमसीसी पास गर्ने प्रयास भइरहेको बताएका छन् ।

नेता रावलले शुक्रबार साँझ सामाजिक सञ्जाल ट्वीटरमार्फत् सत्ता र कुर्सीका लागि एमसीसी पास गर्ने खेल भइरहेको र त्यसका लागि एमसीसी पास गर्ने खेल रोक्नका लागि सजग रहनुपर्ने बताए।

‘सत्ता र कुर्सीको चरम स्वार्थको फोहोरी आहालमा नेपालको स्वाधीनता, हित र स्वाभिमानलाई डुबाउने घृणित खेल देखिँदै छ । यस्तो खेल खेल्नेहरू नेपालको स्वाधीनता र हित विरोधी एमसीसीका प्रावधानप्रति आँखा चिम्लेर सिद्धान्त,नीति र नैतिकताहीन राजनीतिको पासोमा देश फसाउने कुकृत्य गर्दैछन् । सजग रहौं !’ रावलले लेखेका छन् ।

सत्ता र कुर्सीको चरम स्वार्थको फोहोरी आहालमा नेपालको स्वाधीनता,हित र स्वाभिमानलाई डुबाउने घृणित खेल देखिदै छ।यस्तो खेल खेल्नेहरू नेपालको स्वाधीनता र हित विरोधी एमसीसीका प्रावधानप्रति आँखा चिम्लेर सिद्धान्त,नीति र नैतिकताहीन राजनीतिको पासोमा देश फँसाउने कुकृत्य गर्दैछन्।सजग रहौं!

— Dr. Bhim Rawal (@BhimRawal179) February 25, 2022