काठमाडौं । भैरहवास्थित गौतमबुद्ध अन्तर्राष्ट्रिय विमानस्थलबाट आगामी जेठ २ गतेदेखि व्यावसायिक उडान सुरु हुने भएको छ ।

नेपाल नागरिक उड्डयन प्राधिकरणका अनुसार गौतमबुद्ध अन्तर्राष्ट्रिय विमानस्थलबाट व्यावसायिक उडान गर्ने मिति जेठ २ गते बुद्ध पूर्णिामाको दिनलाई तोकिएको हो।

प्राधिकरणले विमानस्थलको व्यावसायिक सञ्चालन गर्न समिति समेत गठन गरेको छ ।  समितिलाई तोकिएको समयमा व्यावसायिक उडान गर्नेगरी कामको जिम्मेवारी दिइएको प्राधिकरणको भनाइ छ।

विमानस्थलमा भोलिबाट क्यालिब्रेशन उडान सुरु हुँदैछ । क्यालिब्रेसन फ्लाइटका लागि बिहीबार मात्रै थाइल्याण्डबाट एरो थाइको जहाज नेपाल आइपुगेको छ ।