Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
कैलाली । भारी हिमपातका कारण सुदूरपश्चिमका पहाडी जिल्ला जोड्ने भीमदत्त राजमार्ग अवरुद्ध भएको छ ।
राजमार्ग अवरुद्ध हुँदा सयौं यात्रु अलपत्र परेका छन् । कैलालीको अत्तरियादेखि डडेल्धुरा जोड्ने राजमार्ग हिमपातका कारण ठाउँठाउँमा अवरुद्ध हुँदा यात्रु बाटोमै अलपत्र परेका हुन् ।
सडकमै हिउ जमेपछि ठाउँठाउँमा राजमार्ग अवरुद्ध भएको राजमार्ग अन्तर्गतको हगुल्टेबाट दीपकबहादुर खड्काले जानकारी दिए । हगुल्टे लेक क्षेत्रमा सडकमै हिउ जमेपछि धेरै ठाउँमा राजमार्ग अवरुद्ध भएको उनले बताए ।
अहिले कैलालीबाट हिउ हटाउन एउटा डोजर पुगेको छ । डोटीबाट अर्को डोजर आइरहेको बुझिएको उनले बताए । उनका अनुसार हिमपातले हिजो साँझदेखि नै राजमार्ग अवरुद्ध हुँदा झण्डै तीन हजार यात्रु अलपत्र परेका छन्।
सुदूरपश्चिम प्रदेश ट्राफिक प्रहरी कार्यालय अत्तरियाकाअनुसार हिमपातका कारण भीमदत्त राजमार्गसंगै दार्चुलाको महाकाली राजमार्ग र अछाम जोड्ने राजमार्ग चौखुट्टेमा अवरुद्ध भएका छन्। यस्तै बाजुराको यातायात सम्पर्क नै टुटेको प्रहरीले जनाएको छ।
यस्तै बैतडीमा भने सवारी साधन सन्चालनमा आएको प्रहरीले जानकारी दिएको छ।
© 2026 All right reserved to onlinenepal.com
Design & Developed By
