काठमाडौं । नेपालमा थप ८ हजार १७ जनामा कोरोना पुष्टि भएको छ ।

पछिल्लो २४ घण्टामा एन्टिजेन र पीसीआर विधिबाट २१ हजार ८०८ जनाको नमूना परीक्षण गर्दा थप ८ हजार १७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।

गत २४ घण्टामा १५ हजार ७३६ नमूनाको पीसीआर र ६ हजार ७२ नमूनाको एन्टिजेन परीक्षण गरिएको हो । मन्त्रालयका अनुसार पीसीआर परीक्षणबाट ५ हजार ८१६ जना र एन्टिजेन परीक्षणबाट २ हजार २०१ जनामा संक्रमण पुष्टि भएको हो ।

यस्तै, गत २४ घण्टाको अवधिमा ५ हजार २९२ जना कोरोना संक्रमणबाट मुक्त (निको) भएका मन्त्रालयले जानकारी दिएको छ । साथै पछिल्लो २४ घण्टामा देशका विभिन्न स्थानमा १५ जना कोरोना संक्रमितको मृत्यु भएको तथ्याङ्कमा उल्लेख छ ।