काठमाडौँ । नेकपा एमालेका नेता डा भीम रावलले राष्ट्रका लागि प्रधानमन्त्री शेरबहादुर देउवाले गरेको सम्बोधनलाई टिप्पणी गर्दै राष्ट्रिय हित र स्वाधीनताका बिषयमा मौन रहेको बताएका छन्।

प्रधानमन्त्री भएपछि पहिलोपटक शुक्रबार देउवाले राष्ट्रका नाममा सम्बोधन गरेका थिए । त्यसै बिषयलाई लिएर नेता रावलले सामाजिक सञ्जालमार्फत राष्ट्रिय हित, स्वाधीनता, स्वाभिमानसम्बन्धी संवेदनशील र जनसरोकारका विषयमा मौन रहेको उल्लेख गरेका छन्।

सम्बोधनबारे रावलले लेखेका छन्, ‘कसैले घाँटीमा अँठ्याए जस्तो, कुर्सी जाने डरले लम्पसार पथमा कायरले पाइला टेके जस्तो, संविधान र लोकतन्त्रको पक्षमा चुनावबारे स्पष्ट बोल्न नसकी कब्जियत भए जस्तो !’

‘प्रधानमन्त्री देउवाको भाषण ध्यानपूर्वक पढियो। राष्ट्रिय हित, स्वाधीनता र स्वाभिमानसम्बन्धी संवेदनशील र जनसरोकारका विषयमा मौन !’ ट्वीटरमा रावलले लेखेका छन्।

प्र.मं. देउवाको भाषण ध्यानपूर्वक पढियो।राष्ट्रिय हित,स्वाधीनता र स्वाभिमानसम्बन्धी संवेदनशील र जनसरोकारका विषयमा मौन! कसैले घाँटीमा अँठ्याए जस्तो, कुर्सी जाने डरले लम्पसार पथमा कायरले पाइला टेके जस्तो, संविधान र लोकतन्त्रको पक्षमा चुनाउबारे स्पष्ट बोल्न नसकी कब्जियत भए जस्तो!

— Dr. Bhim Rawal (@BhimRawal179) January 22, 2022