काठमाडौं । गत नोभेम्बर १६ मा भारतीय प्रधानमन्त्री नरेन्द्र मोदीलाई कालो झण्डा देखाएकी एक महिलामाथि गोली प्रहार भएको छ ।
भारतीय संचारमाध्यमका अनुसार उत्तर प्रदेशको सुल्तानपुरमा प्रधानमन्त्री मोदीलाई कालो झण्डा देखाएकी रीता यादवमाथि गोली प्रहार भएको हो ।
खुट्टामा गोली लागेर घाइते उनलाई सुल्तानपुर जिल्ला अस्पतालमा भर्ना गरिएको समाचारमा उल्लेख छ । उनीमाथि गोली चलाउने व्यक्तिको भने पहिचान भएको छैन ।
यादवले गत नोभेम्बर १६ मा प्रधानमन्त्री मोदीले पूर्वाञ्चल एक्सप्रेस-वे उदघाटन समारोहमा सम्बोधन गरिरहेको बेला कालो झण्डा देखाएकी थिइन् । प्रहरीले उनलाई नियन्त्रणमा लिएर दुई दिनपछि छाडेको थियो ।
घटनापछि कांग्रेस प्रवेश गरेकी उनी स्थानीय सामाजिक कार्यकर्ताको रुपमा परिचित छिन् ।