काठमाडौं । नेपाल कम्युनिष्ट पार्टी (नेकपा) माओवादी केन्द्रका केन्द्रीय सदस्यहरुले पद तथा गोपनीयताको शपथ लिएका छन् ।

सोमबार ललितपुरस्थित सानेपाको हेरिटेज गार्डेनमा आयोजित कार्यक्रममा आठौं महाधिवेशनबाट चुनिएका उनीहरूले पद तथा गोपनियताको शपथ लिएका हुन् ।

आइतबार पार्टी अध्यक्ष पुष्पकमल दाहाल ‘प्रचण्ड’ले महाधिवेशन आयोजक समितिको तर्फबाट २९९ सदस्यीय केन्द्रीय सदस्यमा ६३ जना रिक्त राखेर २३६ जनाको नाम बन्दसत्र समक्ष प्रस्तुत गरेका थिए ।

प्रचण्डको प्रस्तावलाई अनुमोदन गर्दै माओवादी केन्द्रको महाधिवेशन सकिएको थियो । आजको शपथ लगत्तै केन्द्रीय समितिको बैठक बसेको छ।