काठमाडौं । नेपाली काँग्रेसको १४औँ महाधिवेशनमा कल्याण गुरुङले सभापति पदमा आफ्नो उम्मेदवारी दर्ता गराएका छन् ।
गुरुङले मनोनयन दर्ता गर्ने समय सुरु भए लगतै आफ्नो उम्मेदवारी दर्ता गराएका हुन् । केन्द्रीय सभापति पदमा उम्मेदवारी दर्ता गर्ने उनी पहिलो हुन् ।
गुरुङले यसअघि नै पत्रकार सम्मेलन गरी सभापतिमा उम्मेदवारी दिने घोषणा गरेका थिए । गुरुङ केन्द्रीय सदस्य हुन् ।
उनले परिवर्तन न्याय र समानताका लागि मैले उम्मेदवारी दर्ता गरेको बताए । अहिलेसम्म समापतिमा शेरबहादुर देउवा, विमलेन्द्र निधि, शेखर काेइराला र प्रकाशमान सिंह आकांक्षी छन् ।