काठमाडौँ । भ्रष्टाचार गरेको अभियोगमा अख्तियार दुरुपयोग अनुसन्धान आयोगले सुर्खेतको पातालगैरी सामुदायिक वन उपभोक्ता समितिका पदाधिकारी र उपभोक्ताविरुद्ध आज विशेष अदालतमा मद्दा दायर गरेको छ ।

आयोगले पातालगैरी सामुदायिक वन उपभोक्ता समितिका अध्यक्ष हरि दमाइँ, कोषाध्यक्ष खड्गप्रसाद जैसी र सचिव पूर्णिमा शाह सिंह बिरुद्ध १८ लाख ७७ हजार बराबरको बिगो भराउन माग गर्दै मुद्दा दायर गरेको हो ।

सोही उपभोक्ता समितिका सदस्य रणबहादुर बडुवाल विरुद्ध पाँच लाख ५० हजार र अर्का सदस्य भरतबहादुर बशाही विरुद्ध एक लाख ५० हजार, सो वन समूहका उपभोक्ता प्रेमबहादुर सिञ्जापतिविरुद्ध पनि आठ लाख ८७ हजार बराबरको बिगो भराउन माग गरिएको छ ।

यसैगरी उपभोक्ता हस्तनादेवी शाही विरुद्ध एक लाख १५ हजार र अशोक सिंहविरुद्ध २५ हजार बराबरको बिगो माग गरिएको आयोगका प्रवक्ता नारायणप्रसाद रिसालले जानकारी दिए।