काठमाडौं । नेत्रविक्रम चन्द (विप्लव) नेतृत्वको नेकपाका कार्यकर्ताहरुले ललितपुरमा साझा बसमाथि तोडफोड गरेका छन् ।

मंगलबार ललितपुरको इटी चोकमा पेट्रोलपम्प नजिक बा५ख ८७५५ नम्बरको साझा बसको पछाडिपट्टीको भागमा विप्लवका कार्यकर्ताहरुले तोडफोड गरेका हुन् ।

महानगरीय प्रहरी परिसर काठमाडौँका अनुसार हालसम्म काठमाडौंबाट २१ जना र ललितपुरबाट एकजना बन्दकर्तालाई पक्राउ गरिएको छ।

यस्तै, प्रहरीले काठमाडौंको शहिदगेट-सुन्धारा क्षेत्रको सडक अबरुद्ध गर्न खोज्ने केही कार्यकर्ताहरुलाई पक्राउ गरेको छ ।

उनीहरुले सडकमा टायर बालेर प्रदर्शन गर्न खोजेपछि प्रहरीले पक्रुआ गरेको हो।