Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । कुनै पनि हालतमा डिआईजीमा बढुवा भएरै छाड्ने दावी गर्दै हिंडेका केही एसएसपीहरुको योजना विफल हुने भएको छ ।
एसएसपी नरबहादुर खत्री डिआईजीको दरबन्दी थपेरै भएपनि बढुवा हुन्छु भन्दै दौडधुपमा लागेका थिए । तर, योजना सफल नभएपछि उनले आजदेखि अवकाश पाएका हुन् ।
खत्रीसहित अवकाशको मुखमा रहेका केही एसएसपीहरुले बढुवाका लागि प्रहरी प्रधान कार्यालयमार्फत गृह मन्त्रालयमा पत्राचार समेत गराइसकेका थिए । त्यसैले पनि उनीहरु बढुवा हुनेमा ढुक्क थिए ।
तर, दरबन्दी थप गर्ने बारे गृहमन्त्री बालकृष्ण खाँड सकारात्मक भएपनि प्रधानमन्त्री शेरबहादुर देउवाले त्यसमा चासो नदिदा उनीहरुको योजना विफल भएको हो ।
अनावश्यक दरबन्दी थप गर्दै जाने हो भने प्रहरीभित्रको चेनअफ कमाण्ड नै विग्रने भन्दै सरकार त्यसकालागि सकारात्मक छैन ।
उनीहरुले ५५ वर्षे उमेरहदका कारण अवकाश पाएका हुन् । डिआईजीमा बढुवा भएको भए उनको जागिर अझै डेढ वर्ष लम्बिने थियो ।
दरबन्दी थपको निर्णय हुन नसक्दा एसएसपी नरबहादुर खत्रीले आजबाट अवकाश पाएका हुन् । त्यसैगरी एसएसपीहरु हरिराज वाग्ले, मोहन आचार्य, नलप्रसाद उपाध्याय, पूजा सिंह लगायतले पनि उमेरहदका कारण अवकाश पाउन लागेका छन् । खत्रीसँगै उनीहरु पनि बढुवाका लागि दौडधुपमा थिए ।
© 2026 All right reserved to onlinenepal.com
Design & Developed By
