काठमाडौं । प्रधानमन्त्री शेरबहादुर देउवाले बोलाएको सर्वदलीय बैठकमा नेकपा एमाले नजाने भएको छ। संसदको गतिरोध अन्त्यका लागि बोलाइएको बैठक एमालेले बहिष्कार गर्ने भएको हो।

बुधबार साँझ प्रधानमन्त्रीद देउवाले बिहीबार १० बजेका लागि बैठक बोलाएका थिए। बैठक बालुवाटारमा बस्नेछ। एमालेले वर्तमान सरकारले दल विभाजनसम्बन्धी अध्यादेश ल्याएर आफ्नो पार्टी फुटाएको, संसद छलेर अध्यादेश फिर्ता लिएकोलगायतका विषयमा आफ्नो असमति रहेकोले बैठक बहिष्कार गर्ने निर्णय गरेको बताइएको छ।

बिहीबार नै प्रतिनिधिसभाको बैठक बस्दैछ। सो बैठकमा पनि एमालेले अवरोध जारी राख्ने भएको छ। प्रधानमन्त्रीले बोलाएको बैठकमा एमाले सहभागी नहुने भएसँगै संसदको गतिरोध झन् लम्बिने भएको छ।