एजेन्सी – अभिनेता गोविन्दा र उनका भान्जा कमेडियन क्रुष्णा अभिषेकबीच एक किसिमको वार जारी नै छ। उनीहरुबीच लामो समयदेखि टकराव भइरहेको छ।

केही दिनअघि गोविनदाकी पत्नी सुनीताले क्रुष्णा र उनको परिवारप्रति निराशा व्यक्त गरेकी थिइन्। उनले आफूले क्रुष्णाको अनुहार नै हेर्न नचाहेको बताएकी थिइन्। कृष्णाले यसबारे आफ्नो प्रतिक्रिया दिएका छन्।

‘मलाई थाहा छ माइजुले मेराविरुद्ध धेरै कुराहरु बोलेकी छिन्। म उदास भएको थिएँ। तर मलाई लाग्छ उनी मसँग धेरै निराश छिन् किनकी मलाई धेरै माया गर्छिन्। म अनुहार नै हेर्न चाँहदिनु भन्नुले पनि उनको मन दुखेको थाहा हुन्छ। र तपाई उसैसँग निराश बन्नुहुन्छ, जोसँग माया गर्नुहुन्छ,’ क्रुष्णाले भने।

‘मलाई थाहा छ उनी मलाई धेरै माया गर्छिन्। नत्र यति धेरै घृणा किन,’ कृष्णाले प्रश्न गर्दै भनेका छन्, ‘यो कुरा आमाबाबुले मात्र भन्ने गर्छन्, जो आफ्नो बच्चासँग रिसाएका हुन्छन्। म मामा–माइजुलाई धेरै माया गर्छु।’

‘म चाहन्छु उनीहरु मलाई माफ गरिदिउन्। मैले धेरैपटक प्रयास गरिसकेको छु। मेरो माफी स्वीकार भएको छैन। म उनीहरुको छोराजस्तै हुँ। मलाई माफी गर्न किन तयार छैनन् ?’ क्रुष्णाले गुनासो गरे।