काठमाडौँ। प्रमुख प्रतिपक्षी नेकपा एमाले अध्यक्ष तथा संसदीय दलका नेता केपी शर्मा ओली सभामुख अग्निप्रसाद सापकोटाले बोलाएको सर्वदलीय बैठकमा नजाने भएका छन् ।

संसदको गतिरोध अन्त्यका लागि सभामुख सापकोटाले आह्वान गरेको सर्वदलीय बैठकमा ओली नजाने उनको सचिवालयले जनाएको छ । सचिवालयका अनुसार सो बैठकमा एमालेबाट प्रतिनिधि भने पठाइने छ।

सभामुख सापकोटाले एमाले संसदीय दलको नेता ओलीलाई बैठकमा आमन्त्रण गर्दै पत्र पठाएका थिए ।

गत पुस ५ र जेठ ७ गते तत्कालिन प्रधानमन्त्री ओली गरेको संसद् विघटनले गर्दा सभामुख सापकोटा र ओलीबीच निकै दुरी बढेको छ ।  सभामुख सापकोटाले यसअघि बोलाएको सर्वदलीय बैठकमा पनि ओली सहभागी भएका थिइनन् ।

बैठक दिउँसो २:३० बजे नयाँ बानेश्वरस्थित संघीय संसद् भवनमा रहेको लोत्से हलमा बस्दैछ।