काठमाडौं – नेपाल र पपुवा न्यूगिनीबीचको दोस्रो एकदिवसीय क्रिकेट जारी छ। खेलमा नेपालले दिएको २ सय ३४ रनको लक्ष्य पछ्याउँदै ब्याटिङ गरिरहेको पपुवा न्यूगिनीको ४ विकेट गिरेको छ।

नेपालका लागि हालसम्म सोमपाल कामी, सन्दीप लामिछाने, बिक्रम सोब एक–एक विकेट लिएका छन्। पिएनजीका एक खेलाडी रन आउट भएका थिए।
हाल पिएनजीले १२.३ ओभरमा ४ विकेट गुमाउँदै ४७ रन बनाएको छ।

त्यसअघि पहिले ब्याटिङ गरेको नेपालले ४९.३ ओभरमा अलआउट हुँदै २ सय ३३ रन बनाएको थियो। नेपालका लागि रोहित पौडेलले ८६ रनको शानदार पारी खेलेका थिए। ज्ञानेन्द्र मल्लले ४५ रन बनाउँदा करण केसीले ४२ रनको योगदान दिएका थिए।