काठमाडौँ । अमेरिकी सहयोग मिलेनियम च्यालेन्ज कर्पोरेसन (एमसीसी) बहस विषय बनिरहेको छ। सरकारले एमसीसी सम्झौता अघि बढाउने तयारी गरेपछि बहससँगै विरोध, प्रदर्शनका कार्यक्रम पनि हुन थालेका छन्।

यसै बिषयबारे नेपालको पछिल्लो अवस्था बुझ्न नेपाल आएको एमसिसीकी उपाध्यक्ष फतिमा सुमारको टोलीलाई कालो झण्डा देखाउने चारजनालाई प्रहरीले पक्राउ गरेको छ।

विमानस्थलमा सुमारसहितको टोलीलाई कालो झण्डा प्रदर्शन गर्नेहरू विमानस्थल गेटअगाडिबाट पक्राउ परेका हुन् ।

अर्को पनि पढ्नैपर्ने

एमसीसीको विरोधमा उत्रियो विप्लवको पार्टी, भोलिदेखि देशव्यापी संघर्षका कार्यक्रमहरु घोषणा

अर्को पनि पढ्नैपर्ने

एमसीसीमा बहस गर्न रोक लगाउँदै सरकार, अमेरिकी राजदूतावास भन्छ, ‘तथ्यसहितको बहसलाई स्वागत’

मंगलबार एमसीसीको विरोधमा एमसिसी खारेज राष्ट्रिय अभियान, मार्क्सवाद अध्ययन समूह, स्वतन्त्र युवा जनसेवक समूह र उन्मुक्त पुस्ताले विमानस्थल गेटअगाडि कालो झण्डासहित प्रदर्शन गरेका हुन्।

प्रदर्शनकारीहरूले ‘रिजेक्ट एमसीसी’, ‘गो ब्याक एमसीसी’ जस्ता नारा लेखिएको प्ले कार्डसहित प्रदर्शन गरेका थिए।

अर्को पनि पढ्नैपर्ने

एमसीसी पास गर्न अघि बढ्यो सरकार, सुरक्षा निकायलाई ‘हाई अलर्ट’मा रहन निर्देशन

अर्को पनि पढ्नैपर्ने

एमसीसीको विरोधमा वैद्यनिकट विद्यार्थी संगठनको प्रदर्शन, अध्यक्षसहितका नेताहरु गिरफ्तार