काठमाडौं । अमेरिकी सहयोग मिलिनियम च्यालेन्ज कर्पोरेसन (एमसीसी) कोविरुद्धमा अमेरिकी दूतावास अगाडि प्रदर्शन गरिएको छ ।

सोमबार मोहन वैद्य नेतृत्वको माओवादी निकट विद्यार्थी संगठनले एमसीसी) कोविरुद्धमा प्रदर्शन गरेको हो। यसअघि गत शुक्रबार पनि केही युवाहरुले एमसीसीको विरुद्धमा प्रदर्शन गरेका थिए।

आजको प्रदर्शनमा प्रहरीले प्रदर्शनकारीहरुलाई गिरफ्तार गरेको छ। प्रहरीले संगठनका अध्यक्ष हरिकृष्ण गजुरेल, महासचिव पेशल दाहाल, काठमाडौं जिल्ला सहसचिव मीनप्रसाद गिरीलगायतका नेताहरुलाई पक्राउ गरेको हो ।

एमसीसीकी उपाध्यक्ष फातिमा जेड सुमार केही दिनपछि नेपाल आउदै छिन् । उनी नेपाल आउने तय भएसँगै विभिन्न टिका टिप्पणीहरु शुरु भएपछि प्रदर्शन हुँदै आइरहेको छ ।

अर्को पनि पढ्नैपर्ने

एमसीसीविरुद्ध अमेरिकी दूतावास अगाडि युवाहरुको प्रदर्शन

अर्को पनि पढ्नैपर्ने

एमसीसी पास गर्न अघि बढ्यो सरकार, सुरक्षा निकायलाई ‘हाई अलर्ट’मा रहन निर्देशन