सप्तरी । सप्तकोशी नदीमा पानीको वहाव यस वर्षकै सबैभन्दा बढी देखिएको छ । केही दिनयता निरन्तर वर्षाका कारण नदीको वहाव आइतबार यस वर्षकै उच्च विन्दुमा पुगेको हो ।

कोशी ब्यारेज कन्ट्रोल रुमले दिएको जानकारी अनुसार पछिल्लो मापन अनुसार सप्तकोशीमा पानीको बहाब २ लाख ५३ हजार १ सय ९० क्यूसेक पुगेको छ ।

नदीको बहाव बढेसँगको कोशी ब्यारेजका ३५ वटा ढोका खोलिएका छन । साउन ३२ गते कोशीमा पानीको बहाब २ लाख ५६ हजार २० क्यूसेक मापन गरिएको थियोा । पछिल्लो मापनले सो रेकर्डलाई समेत उछिनेको छ ।

पूर्वका अधिकांश भेगमा वर्षा जारी रहेकाले कोशीको जलस्तर अझै बढ्न सक्ने अनुमान गरिएको छ । चतरामा रहेको बाढी मापन केन्द्रले समेत नदीको जलस्तर बढ्दो क्रममा देखाएको छ । जसका कारण समेत कोशी ब्यारेजमा गरिने पछिल्ला मापनमा बहाब थप बढ्ने आंकलन गरिएको छ ।

यता कोशी नदीको बहाब बढ्दा सप्तरीका सप्तकोशी नगरपालिका, कञ्चनरुपन नगरपालिका, हनुमाननगर कंकालिनी नगरपालिका, तिरहुत गाउँपालिका र तिलाठी कोइलाडी गाउँपालिका लगयायत कोशी किनारमा बस्नी तथा होचा स्थानहरुमा कटान हुने सम्भावना बढीरहेकोले जिल्ला प्रशासन कार्यालयले सूचाना जारी गर्दै उक्त क्षेत्रका बासिन्दाहरुलाई सुरक्षा सतर्कता अपनाउन आग्रह समेत गरेका छन् ।