काठमाडौं । नेकपा एमालेको विवाद चर्किएसँगै पार्टी अध्यक्ष केपी शर्मा ओली र वरिष्ठ नेता माधवकुमार नेपालबीच पानी बाराबारको स्थिति छ। उनीहरुको दुरी बढेका कारण दोस्रो तहका नेताहरुले लाख प्रयास गर्दा पनि दुई नेताबीच भेटवार्ता गराउन सकेका छन्।

दुई शीर्ष नेताहरु लामो समयदेखि आरोपप्रत्यारोपमा उत्रिरहेका छन्। उनीहरु एकअर्कालाई चुत्छ गाली गर्न पनि पछि पर्दैनन्। नेता नेपालले शुक्रबार ओलीले जति गाली गरेपनि आफूले पार्टी एक नै होस् भन्ने चाहेको बताए। तर, उनी आफैं भने ओलीलाई गाली गर्न रोकिएका छैनन्।

नेपालले शनिबार ओलीले आफूलाई सबैथोक जान्ने सर्वज्ञानी ठान्ने भन्दै आक्रोश व्यक्त गरे। उनले आफूले पार्टी भित्र देखिएको समस्या समाधान गर्न चाहिरहेको बताएका छन्।
अध्यक्ष केपी शर्मा ओलीप्रति संकेत गर्दै ‘म सबैथोक जान्ने सर्वज्ञानी हुँ’ भन्ने अहंकारले पार्टी भित्र समस्या पैदा गरेको उल्लेख गर्दैैै ती समस्या समाधान गरेर अघि बढन आफूले चाहिरहेको नेता नेपालले बताए।

शनिबार आफू पक्षीय जनवर्गीय संगठनहरुले ललितपुरमा आयोजना गरेको एक कार्यक्रममा बोल्दै उनले पार्टीभित्र देखिएको समस्या समाधान गर्नका लागि आफू एक्लैको प्रयासले सम्भव नहुने पनि स्पष्ट पारे।

वरिष्ठ नेता नेपालले भने, ‘हामी कहाँ पनि अहंकारका प्रवृत्तिहरु देखा परे। सामूहिकताका भावनाहरु हराउन थाले। अरुका ज्ञान अनुभवहरुलाई बेवास्ता गर्न थालियो। मै सबथोक सर्बज्ञानी हुँ भन्ने अहंकार, घमण्ड बढेर गयो। र हाम्रो पार्टी नेकपा (एमाले)मा समस्या देखा प¥यो। त्यो समस्या हामी हल गर्न चाहिरहेका छौं। तर के हल गर्नका लागि पार्टी भित्रका रोगको सही पहिचान गर्नका लागि हामी तयार छौं ? हामी, हो त्यहीँ उद्देश्यका साथ पार्टीलाई नयाँ जीवन दिन चाहिरहेका छौं।’

वरिष्ठ नेता नेपालले पार्टीलाई नयाँ जीवन दिन भन्दै अरुले जस्तो बाँदरे नाच नाच्ने काम नगर्न पनि आफू पक्षीय जनवर्गीय संगठनका नेता, कार्यकर्तालाई आह्वान गरे। इमान्दार बन्नुपर्ने, असल संस्कार बोक्नुपर्ने, अरुको मानमर्यादामा आँच पु¥याउने काम कसैले पनि गर्न नहुने उनले बताए। वरिष्ठ नेता नेपालले आफूभित्र रहेका त्रुटिहरु स्वीकार गरेर अघि बढने आँट गर्न पनि आग्रह गरे। उनले भने, ‘त्रुटि नभएको मान्छे कोही पनि हुँदैन। मान्छे हो त्रुटि हुन सक्दछ। सबै सुध्रिऊन्। देश, जनता र राष्ट्रका लागि समर्पित होऔं।’

नेता नेपालले सिंगो कम्युनिष्ट पार्टीलाई एकतावद्ध बनाएर देश र जनताको सेवामा समर्पित भएर लाग्ने प्रतिवद्धता समेत व्यक्त गरे।