Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । प्रधानमन्त्री शेरबहादुर देउवाको सचिवालयले नयाँ ट्वीटर अकाउन्ट सञ्चालनमा ल्याएको छ । निवर्तमान प्रधानमन्त्री केपी शर्मा ओलीको सचिवालयबाट प्रधानमन्त्रीको ट्विटर अकाउन्ट @PM_Nepal को पासवर्ड नपाएपछि नवनियुक्त प्रधानमन्त्री देउवाको सचिवालयले सोही ह्यान्डल राखेर नयाँ अकाउन्ट खोलेको हो।
६ लाख ४७ हजार फलोअर्स रहेको ट्विटर अकाउन्टलाई ओलीको सचिवालयले ‘कब्जा’ गरेपछि देउवाको सचिवालयले अहिले नयाँ अकाउन्ट खोलेको हो ।
प्रयोगमा रहेको प्रधानमन्त्रीको आधिकारिक ट्वीटर अकाउण्टलाई अहिले @PM_Nepal नाममा कायम गरिएको छ। प्रधानमन्त्री फेरिएपछि सचिवालयका सामाजिक सञ्चालहरुको पासवर्ड हस्तान्तरण गरिनुपर्ने भए पनि ओलीले भने देउवाको सचिवालयलाई पासवर्ड नदिएको बालुवाटार स्रोतले बतायो ।
पहिलेको ट्वीटर अकाउन्ट @PM_Nepal पासवर्ड नपाएपछि अहिले देउवा सचिवालयले @PM_nepal_ नाम राखेर नयाँ अकाउन्ट खोलेका छ । नयाँ अकाउन्ट २०२१ जुलाइमा दर्ता भएको देखिन्छ।
ह्यान्डल परिवर्तन गर्नुअघि भेरिफाइडसमेत भएको सो अकाउन्ट यसअघि देउवाको सचिवालयबाटै ओलीको सचिवालयलाई हस्तान्तरण भएको थियो।
नेपाली प्रधानमन्त्रीको नाममा ट्विटर अकाउन्ट @PM_Nepal सुशील कोइरालाको पालामा खोलिएको थियो। त्यसयता सोही अकाउन्ट पछिल्लो प्रधानमन्त्रीको सचिवालयलाई हस्तान्तरण हुँदै आएको थियो। प्रधानमन्त्री फेरिएपछि अघिल्लो प्रधानमन्त्रीको पालामा गरिएका ट्विटलाई भने डिलिट गर्ने गरिएको थियो।
© 2026 All right reserved to onlinenepal.com
Design & Developed By
