काठमाडौँ । पछिल्लो २४ घण्टामा देशभर २ हजार ९१८ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ४३७ जनाको  पीसीआर परीक्षण गर्दा २ हजार ०४९ जनामा कोरोना संक्रमण पुष्टि भएको छ भने ५ हजार ३८१ परीक्षण गर्दा ८६९ जनामा एन्टिजेनमा पोजेटिभ देखिएको छ।

यस्तै, मन्त्रालयले दिएको जानकारी अनुसार गत २४ घण्टामा ५ हजार १४७ जना निको भएर घर फर्केका छन् ।

यसैगरी, गत २४ घण्टामा ५३ जनाको कोरोनाका कारण मृत्यु भएको छ । योसंगै नेपालमा हाल कोरोना संक्रमणका कारण मृत्यु हुनेको संख्या ८ हजार ४६५ पुगेको छ।

यसअघि हिजो २ हजार ४०७ जना संक्रमित थपिदा ३ हजार ९९४ जना संक्रमणमुक्त भएका थिए भने ४६ जनाको मृत्यु भएको थियो।