काठमाडौँ । जनता समाजवादी पार्टी (जसपा)ले संसदीय दलका नेतामा राजेन्द्र महतोलाई चयन गरेको छ।

जसपा अध्यक्ष महन्थ ठाकुर पक्षका नेता महतोलाई बहुमतको आधारमा दलको नेता चयन गरेको सांसद उमाशंकर अरगरियाले जानकारी दिए ।

अरगरियाका अनुसार २० जना सांसदको उपस्थितिमा महतोलाई संसदीय दलको नेता बनाउने निर्णय गरेको र भोलि पार्टी कार्यालय खुलेपछि निर्णय दर्ता गराउने तयारी भएको छ।

संसदीय दलको नेता चयनसम्बन्धी बैठकमा जसपाकै अर्का अध्यक्ष उपेन्द्र यादव पक्ष भने सहभागी भएका थिएनन्।