काठमाडौँ। नेपालमा पछिल्लो २४ घण्टामा देशभर  १५२ जना कोरोना संक्रमित थपिएका छन् । योसँगै नेपालमा कोरोना संक्रमितको कुल संख्या २ लाख ७७ हजार ४६१ पुगेको छ ।

यस्तै, बितेको २४ घण्टामा ६५ जना कोरोना संक्रमण मुक्त भएका छन् । योसँगै हालसम्म निको हुनेको कुल संख्या २ लाख ७२ हजार ८५१ पुगेको स्वास्थ्य तथा जनसंख्या मन्त्रालयले जनाएको छ।

बिहीबार  कोरोना भाइरस संक्रमणबाट मृत्यु हुनेको संख्या एक रहेको छ । योसँगै हालसम्म मृत्यु हुनेको सङ्ख्या ३ हजार ०३१ पुगेको  छ ।

आज ४ हजार २ सय १३ जनाको पिसिआर परिक्षण गरिएको थियो।

यस्तै, हिजो नेपालमा १६२ जनामा कोरोना भाइरसको संक्रमण पुष्टि भएको थियो ।