काठमाडौँ । फागुन शुक्ल पूर्णिमाका दिन मनाइने फागु पूर्णिमा अर्थात् होली पर्व आज हिमाली एवम पहाडी जिल्लामा हर्षोल्लासका साथ मनाइँदैछ ।

आज देशभर सरकारले सार्वजनिक विदा समेत दिएको छ। बढ्दै गएको कोरोना महामारीले गर्दा सरकारले सुरक्षित तरिकाले घरमै होली मनाउन आग्रह समेत गरेको छ।

यसैबीच, होली मनाउँदा सवारी नियम तोड्ने खालका गतिविधि नियन्त्रण गर्न महानगरीय ट्राफिक प्रहरी महाशाखाले सुरक्षा योजनासहित ट्राफिक प्रहरी परिचालन गरेको छ ।

होलीमा लापरवाही गरेर सवारी चलाउने गतिविधि  रोक्न र  हुन सक्ने सडक दुर्घटनालाई मध्यनजर गर्दै काठमाडौं उपत्यकाका ९० ठाउँमा चेक प्वाइन्ट राखिएको ट्राफिक महाशाखाले जनाएको छ।