काठमाडौँ। नेपालमा पछिल्लो २४ घण्टामा देशभर १२० जना संक्रमित थपिएका छन् । योसँगै नेपालमा कोरोना संक्रमितको कुल संख्या २ लाख ७६ हजार ५०९  पुगेको छ ।

यस्तै, बितेको २४ घण्टामा ८५ जना कोरोना संक्रमण मुक्त भएका छन् । योसँगै हालसम्म निको हुनेको कुल संख्या २ लाख ७२ हजार २७२ पुगेको स्वास्थ्य तथा जनसंख्या मन्त्रालयले जनाएको छ।

बिहीबार कोरोना भाइरस संक्रमणबाट मृत्यु हुनेको संख्या शुन्य रहेको छ । योसँगै हालसम्म मृत्यु हुनेको सङ्ख्या ३ हजार ०२०  रहेको छ ।

यस्तै, हिजो नेपालमा १४५ जनामा कोरोना भाइरसको संक्रमण पुष्टि भएको थियो।