काठमाडौं । नेकपा माओवादी केन्द्रको स्थायी समिति बैठक सुरु भएको छ । सिंहदरबारस्थित माओवादी केन्द्रको संसदीय दलको कार्यालयमा जारी स्थायी समिति बैठकका एजेन्डाबारे केही नखुलाइए पनि सरकारलाई दिएको समर्थनबारे छलफल हुने बुझिएको छ ।

सरकारलाई दिएको समर्थन फिर्ता लिने कि नलिने भन्ने विषयमा अलमलमा रहेको माओवादी केन्द्रले आज निर्णय गर्नसक्ने एक केन्द्रीय नेताले बताए ।

माओवादी केन्द्रले यसअघि केपी शर्मा ओली नेतृत्वको सरकारलाई दिएको समर्थन फिर्ता गर्ने बताएको थियो । तर, ओलीको विकल्पमा गठबन्धन तयार नभएकाले केही दिन पछि हटेको थियो ।

त्यसैगरी आजको बैठकमा समसामयिक राजनीतिक विषयका साथै साङ्गठानिक विषयमा छलफल हुने माओवादी नेताहरुले बताएका छन् ।