काठमाडौं । सर्वोच्च अदालतले प्रतिनिधिसभा पुनःस्थापना गरेपछि संसद विघटन गरेका प्रधानमन्त्री केपी शर्मा ओली अदालतको परमादेशबमोजिम संसद् बैठक बोलाउन तयार भएका छन् ।

बुधबार दिउँसो प्रधानमन्त्री निवास बालुवाटारमा बसेको नेकपाको ओली समूहको बैठकले सर्वोच्चको आदेशको कार्यान्वयन गर्न निर्देशन दिएको छ ।

सर्वोच्च अदालतले मंगलबार प्रधानमन्त्री केपी शर्मा ओलीले ५ पुसमा गरेको प्रतिनिधिसभा विघटनको निर्णय उल्टाउँदै संसद् पुनर्स्थापनाको फैसला सुनाएको थियो ।

संसद् पुनर्स्थापनाको फैसला आएपछि प्रधानमन्त्री एवं अध्यक्ष ओलीले आफ्नो समूहको स्थायी कमिटीको बैठक बोलाएका थिए ।

सो बैठकले संसद् पुनर्स्थापनाको फैसलाबमोजिम संसद् बैठक आह्वान गर्ने निर्णय गरेको हो ।