काठमाडौं । महानगरीय प्रहरी वृत्त जगातीले प्रहरी हिरासतमा रहेका व्यक्तिहरुलाई छुटाइदिने भन्दै २ लाख १० हजार लिएको आरोपमा दुई जनालाई पक्राउ गरेको छ ।

पक्राउ पर्नेमा सिन्धुलीका वीरबहादुर तामाङ र रामेछापका ग्याल्छेन लामा रहेका महानगरीय प्रहरी वृत्त जगातीले जनाएको छ ।

उनीहरुले गत कात्तिक १६ गते कछुवासहित पक्राउ परेका धावा लामा र राजकुमार घिसिङलाई विना कारबाही थुनामुक्त गराउँछौं भनेर रकम लिएको भन्दै प्रहरीमा उजुरी परेको थियो ।

पक्राउ परेका दुवैजनालाई जिल्ला अदालतबाट ठगी मुद्दामा ५ दिन थुनामा राख्ने अनुमति लिएर अनुसन्धान गरिरहेको प्रहरीले जनाएको छ ।