रुकुम पश्चिम । जिल्ला प्रशासन कार्यालय कुम पश्चिमले राडीबजारमा अनश्चितकालीन निषेधाज्ञा जारी गरिएको छ ।

राडीबजारमा नेकपा र नेपाली कांग्रेसका कार्यकर्ताबीच झडप भएपछि प्रमुख जिल्ला अधिकारी बद्रीनाथ गैह्रेले चार किल्ला तोकेर अर्को सूचना नभएसम्मका लागि मंगलबार साँझ ५ बजदेखि निषेधाज्ञा जारी गरेका हुन् ।

स्थिति नियन्त्रणमा लिन प्रहरीले ९ राउण्ड हवाई फायर समेत गरेको थियो ।

पूर्वमा घारीखोला, पश्चिममा ठूलीभेरी, दक्षिणमा सिमबजार र उत्तरमा दाँजेबाट कोही पनि राडीबजार भित्रन नपाउने गरी निषेधाज्ञा लगाइएको हो ।

आठबीसकोट नगरपालिकाको ९ नम्बर वडा राडीबजारमा केही समूहबाट अनावश्यक भेला हुने अवाञ्छित गतिविधिहरु गरी शान्ति भंग हुनेगरी हुलदंगा वा अशान्ति सिर्जना गर्न खोजिरहेकाले निषेधाज्ञा गरिएको प्रशासन कार्यालयले जनाएको छ ।