बैतडी । जिल्ला प्रहरी कार्यालय बैतडीले सामूहिक बलात्कार गरेको आरोपमा एक जनालाई पक्राउ गरेकाे छ । पक्राउ पर्नेमा पञ्चेश्वर गाउँपालिकाकीका बस्ने २३ वर्षीय प्रविन चन्द रहेका छन्। अर्का एक जना भने फरार रहेका प्रहरीले जनाएकाे छ ।

१७ वर्षीया किशोरीमाथि सामूहिक बलात्कार गरेको आरोपमा चन्दलाई पक्राउ गरिएकाे जिल्ला प्रहरी कार्यालय बैतडीका प्रमुख नारायणप्रसाद अधिकारीले जानकारी दिए । उनका अनुसार घटनामा संलग्‍न अर्का एक जना फरार रहेकाले उनको खोजी भइरहेको छ ।

गत पुस १५ गते घरमै बसिरहेकी ती किशोरीलाई २ जना युवाले सामूहिक बलात्कार गरेर फरार थिए । पीडित परिवारले प्रहरीमा उजूरी दिएपछि चन्द मंगलबार साँझ पक्राउ परेका थिए । घटनाबारे अनुसन्धान भइरहेको प्रहरीले जनाएको छ ।