संसारकै सबैभन्दा सुन्दर महिला घोषित भएकी १९ वर्षीया युवती

संसारकै सबैभन्दा सुन्दर महिला घोषित भएकी १९ वर्षीया युवती

अनलाइन नेपाल
  • शनिबार, पुष २५ २०७७

  • 3.9K
    SHARES

  • संसारकै सबैभन्दा सुन्दर महिला घोषित भएकी १९ वर्षीया युवती

    एजेन्सी । इजरायलकी १९ वर्षकी युवती विश्वकै सबैभन्दा सुन्दर महिला घोषित भएकी छिन् ।

    २०२० सालको ‘वर्षका सबैभन्दा सुन्दर १०० अनुहार’मध्ये शीर्ष स्थानमा रहँदै इजरायलकी १९ वर्षकी येल शेल्वियाले टिसी क्याण्डलरको सूचीको शीर्षमा स्थान बनाएकी हुन् । संस्थाले यस विषयमा एक भिडियो जारी गर्दै जानकारी दिएको छ ।

    शेल्वियाले अहिले इजरायलका हरेक युवायुवतीका लागि अनिवार्य गरिएको सैनिक सेवा पूरा गरिरहेकी छिन् । उनले इजरायली एयरफोर्समा काम गरिरहेकी छिन् ।

    टाइम्स अफ इजरायलका अनुसार शेल्वियाले किम कार्दाशियनको केकेडब्लु ब्युटी मेकअप लाइन र इजरायली फेशन कम्पनी रेनुआरको लागि समेत मोडलिङ गरिसकेकी छिन् । यो सूचिमा शेल्विया लगातार चौथो पटक परेकी हुन् ।

    यसअघि २०१७ मा शेल्विया सूचीको १४ औं स्थानमा थिइन् । २०१८ मा तेस्रो स्थानमा पुगेकी शेल्विया २०१९ मा दोस्रो स्थानमा उक्लिएकी थिइन् ।

    यी किशोरी ३५ वर्षका ब्राण्डोन क्रफसँग प्रेममा रहेको न्यूयोर्क पोस्टको रिपोर्टमा बताइएको छ ।

    ब्रेण्डन अर्बपती व्यवसायी समर रेडस्टोनका नाती हुन् । टाइम्स अफ इजरायलका अनुसार गत वर्ष शेल्वियालाई भेट्न आउँदा कोरोनाभाइरससम्बन्धी नियमको उल्लंघन गरेपछि उनलाई इजरायलबाट डिपोर्ट गरिएको थियो ।  

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार