एजेन्सी । बलिउड अभिनेता तथा ’द कपिल शर्मा शो’ का सञ्चालन कपिल शर्मालाई मुम्बई प्रहरीले सोधपुछका लागि बोलाएको छ । भारतको क्रिमिनल इन्टेलिजेन्स यूनिटले कपिललाई सोधपुछ गर्न बोलाएको हो ।

नक्कली दर्ता भएका कारको जफतका क्रममा कमेडियन कपिल शर्मासमेत मुछिएपछि क्रिमिनल इन्टेलिजेन्स यूनिटले उनलाई सोधपुछका लागि बोलाएको बताएको छ ।

कार डिजाइनर दिलीप छाबडीयाका विरुद्ध परेको ठगी मुद्दामा क्रममा कपिल शर्माले समेत उनीविरुद्ध मुद्दा दर्ता गराएका छन् । जसमा कपिललाई बयानका क्रममा बोलाएको हो ।

यस घटनाबारे अहिलेसम्म कपिलले कुनै प्रतिक्रिया सार्वजनिक गरेका छैनन् । उनी आफ्नो पपुलारीटीमा आँच नआवोस् भनेर यस बिषयमा नबोलेको भारतीय मिडियाले बताएका छन् ।