काठमाडौं । कोरोना भाइरस (कोभिड–१९) संक्रमित भएर परीक्षा दिन नसकेका कक्षा १२ का विद्यार्थीहरुले पाँच दिनपछि परीक्षा दिन पाउने भएका छन् ।

राष्ट्रिय परीक्षा बोर्डले परीक्षाबाट बन्चित भएका विद्यार्थीहरूका लागि परीक्षा तालिका सार्वजनिक गरेको छ ।

बोर्डले १६ पुसदेखि २३ पुससम्म परीक्षा सञ्चालन गरिने जानकारी गराएको छ ।

बोर्डका अनुसार सम्बन्धित विद्यालयमै विहान १० बजेदेखि साढे ११ बजेसम्म परीक्षा सञ्चालन हुने छ।

यसअघि कक्षा १२ को परीक्षा मंसीर ९ गतेखेखि १६ गतेसम्म सञ्चालन भएको थियो ।