काठमाडौं । नेपाली कांग्रेसका नेता रामचन्द्र पौडेलले आफ्नो पार्टी चुनावको विपक्षमा नरहेको बताएका छन्।

प्रतिनिधिसभा विघटनको निर्णयलाई असंवैधानिक कदमको संज्ञा दिएको कांग्रेसले पछिल्लो राजनीतिक परिस्थितिबारे छलफल गर्न केन्द्रीय कार्यसमितिको बैठक बोलाएको छ ।

नेता पौडेल आफै पनि पनि प्रतिनिधिसभा विघटनको कडा आलोचक हुन्। तर उनैले आज कांग्रेस चुनावबाट भाग्ने पार्टी नभएको बताउँदै चुनाव भएमा नेपाली कांग्रेस पनि चुनावमा जाने बताएका हुन् ।

संसद विघटनविरुद्ध सर्वोच्च अदालतमा परेको रिटको शुक्रबार संबैधानिक इजालसल सुनुवाई गर्ने निर्णय गरेकै दिन पौडेलले भने–‘नेपाली कांग्रेसले न्यायपालिकालाई सधैँ मानेकै छ । तत्कालीन एमालेले उसबेला अदालतमा ढुङ्गा हानेजस्तो हान्न जान्नौं, तर फैसलामा पनि अदालत र न्यायाधीशहरूले संविधानको धारा त देखाउनु पर्ला नि, व्याख्या त गर्नुपर्ला।’

उनले भने–‘हामी चुनाववादी हौँ, चुनावभन्दा भाग्ने होइनौँ। तर चुनाव हुन्छ र ? मेरो चिन्ता यही हो।’