Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । रुपन्देहीमा महिला ट्राफिक प्रहरीको बर्दी च्यात्ने बोर्डिङ स्कुलका सञ्चालक पक्राउा परेका छन्। सिद्धार्थ नगरपालिका -१ को सनसाइन बोर्डिङ स्कुलका सञ्चालक झापा स्थायी घर भएका श्याम पाठकलाई प्रहरीले पक्राउ गरेको हो।
रोहिणी गाउँपालिकास्थित नेपाल-भारत सीमामा चार दिनअघि पाठकले महिला प्रहरीलाई दुर्व्यवहार गरेको प्रहरी उपरीक्षक प्रवीण पोखरेलले बताए। उनका अनुसार मादक पदार्थ सेवन गरी महिला ट्राफिक प्रहरीलाई हातपात गरेको, ट्राफिक जरिवानाको रसिद च्यातेको र प्रहरीको बर्दी च्यातेको पाइएपछि पाठकलाई हिरासतमा लिएर कारबाही थालिएको छ।
पाठकले प्रहरीको चेक प्वाइन्टमा आएर ट्राफिक प्रहरीको ठेली खोसेर ‘कति जरिवाना काटेउ’ भनेका थिए। त्यसक्रममा महिला प्रहरीले प्रतिवाद गर्दा ठेली र प्रहरीको बर्दी च्यातिएको पोखरेलले बताए।
पाठकले आफूलाई कहिले प्रधानमन्त्री, कहिले अख्तियार दुरुपयोग अनुसन्धान आयोगको मान्छे भन्दै हिँड्ने गरेको प्रहरीले जनाएको छ। पाठकले केही सरकारी वकिललाई समेत फसाएको बताउने गरेका थिए।
© 2026 All right reserved to onlinenepal.com
Design & Developed By
