जनकपुरधाम । जनता समाजवादी पार्टीका अध्यक्ष उपेन्द्र यादवले केपी ओली नेतृत्वको सरकार संघीयता समाप्त पार्ने खेलमा लागेकाे आरोप लगाएका छन् ।

बुधबार महोत्तरीमा भएकाे एक कार्यक्रममा अध्यक्ष यादवले ओली नेतृत्वको सरकारले विभिन्न शक्तिसँग मोर्चाबन्दी गरेर संघीयता समाप्त पार्ने खेलमा लागेकाे जिकिर गरेका हुन् ।

‘संघीयता समाप्त पार्न संघीय सरकारले विगतमा हारिसकेका शक्तिसँग मोर्चाबन्दी गरिरहेको छ’ उनले भने, “तर यो सपना नदेख्न आग्रह गर्छु ।”

अध्यक्ष यादवले संघीयतालाई असफल पार्न सत्तारुढ दलले सशस्त्र विद्रोह, जनआन्दोलन र मधेश विद्रोहबाट हारिसकेका शक्तिसंग मोर्चाबन्दी गरेको बताए ।