काठमाडौं । फुटको संघारमा रहेको सत्तारुढ दल नेपाल कम्युनिष्ट पार्टी (नेकपा) को सचिवालय बैठकप्रधानमन्त्रीको सरकारी निवास बालुवाटारमा जारी छ ।

आजको बैठकमा प्रधानमन्त्री तथा अध्यक्ष केपी शर्मा ओलीले लिखित जवाफ प्रस्तुत गर्ने निर्धारित कार्यसूचि रहेको छ ।

कार्यकारी अध्यक्ष पुष्पकमल दाहाल ‘प्रचण्ड’ले यसअघि मंसिर ३ मा बसेको सचिवालय बैठकमा पेश गरेको राजनीतिक प्रस्तावको जवाफमा आज अध्यक्ष तथा प्रधानमन्त्री केपी शर्मा ओलीले लिखित प्रस्ताव पेश गर्नेछन् ।

अध्यक्ष दाहालले लगाएका आरोपसहितका जवाफ ओलीले दिने बुझिएको छ।

उनले प्रचण्डको आरोपको जवाफका लागि १० दिनको समय मागेका थिए ।

प्रचण्डको प्रतिवेदन आएपछि नेकपाभित्रको नेतृत्वको विवाद चुलिएको थियो।

नेकपाको ९ सदस्यीय सचिवालयमा दाहाल पक्षको बहुमत छ।