काठमाडौं । चितवनमा बमजस्तो देखिन शंकास्पद बस्तु फेला परेको छ ।

जिल्ला प्रहरी कार्यालय चितवनका प्रवक्ता (डिएसपी) सुर्यबहादुर थापाले टाँडी बजारमा कालो प्लाष्टिक बेरेर राखिएको शंकास्पद बस्तु नेपाली सेनाको टोलीले डिस्पोज गरेको बताए ।

टाँडीस्थित निर्माणाधीन आकाशे पुलमा फेला परेको शंकास्पद बस्तु ढुंगालाई प्लाष्टिकले बेरेको राखिएको खुलेको छ ।

त्रास सिर्जना गराउन दुईओटा पोका बनाएर शंकास्पद बस्तु राख्नेको खोजी भइरहेको डिएसपी थापाले बताए ।